Assembly-in Private Resolution 2 Pass Mizoram Hydel Project 18-ah 14 Congress Thawh

Courtesy: Buannel.com

Mizoram Assembly inkhawmah chuan nimin zirtawpni kha Private Member’s Resolution ngaihtuahna ni a ni a, private member resolution pahnih Pu K.Liantlianga, ZNP leh Pu Joseph Lalhimpuia, Congress resolution chu lungrualtakin an pass.
Pu K.Liantllinga resolution chu  “Kan ram luipui kam eng emawzat, eizawn nana ram \ha lai, Assam sawrkarin kum 1965-a Riverine Reserved Forest Area-a a lo rinluh hi Highland Area-ah sawn turin Mizoram sawrkarin hma la rawh se” tih a ni a. Pu Joseph Lalhimpuia resolution chu  “Ram hmasawnna bul power kan tintodelh theihna tura sawrkar hma laknate hi a lawmawm kan ti” tih a ni.
Pu Liantlinga resolution sawihonaah hian member amah tiamin 15 an tel a. Helam changtu Minister Pu H.Rohluna chuan forest chungchangah state sawrkar thuneihna bak a awm thu te, dan leh dun tam tak zawm ngai leh Supreme Court thutlukna, a phalna lak ngai te a awm dawn avangin Pu Liantlinga resolution chu pass a nih pawhin a department tan chak taka thil tih a harsat theih dawn thu sawiin hriatthiamna a ngenlawk a ni.
Pu Joseph Lalhimpuia chuan Assam hun lai, Union Territory leh State puitling a nih hnua Mizoram sawrkar hrang hrangin power siam chhuahna leh mipuite power pekna kawnga an thil lo tih tawh dante thiam leh ngaihnawmtaka sawrkara record (statistic base) hmanga sawiin a resolution chu a sawimawi (move) a.

Read more »