1. An thisenin min au
(a) He hlâ-a “Tanpuitû tûr an awm lâw’m ni” tih leh “Lalnunnêm, i pasaltha kaltâte phûmtû tûr an awm lo ve” tih thû hi hun kal tawha tanpuitu nei lote chungchâng a sawina a ni a, ‘tûr’ hi a hman theih lo vang. “Zanina kan thil tih tûr” chu kan ngaihtuah thei a, “nizâna kan thil tih tûr” erawh chu kan ngaihtuah thei tawh lo. “Nizâna kan thil tih” erawh chu kan ngaihtuah lêt thei thung. Kaina-an anau Abela a thah dâwn khân “Abela lo chhantû tûr an awm lo” ni lovin “Abela lo chhantû” an awm lo a ni zâwk.
2. Ka la nghâk reng che
(a) He hlâ-a “i hmangaihna min hlan kha i bân tâk le” tih hi a dik lo bawk. Ngaihzâwngte chu kan bân thei mahna, Hmangaihna erawh chu ‘bân’ lovin kan ‘sût’ zâwk thîn.
(b) He hlâ vêka “ i ngaia nunkhawhara lungngai hi” tih pawh hi “i ngaia” ni lovin “nang ngaia” tih zâwk tûr a ni ang. Pronoun theuh theuh pawh hi a lo inhmanpawlh theih miah lo zu nia.
3. Chhantû ka ngai
(a) “rei lo tê atâna nawm ai chuan tap chunga i hniakhnung rawn zuiin...” tih thû-in a sawi tum hi “rei lo tê atâna nawm ai chuan” ni lovin “rei lo te-a nawm ai chuan” a ni zâwk ngei ang.
