NLUP sem mekah Mobile Phone zuar an hlawk ber a, a dawtah Washing Machine leh Refrigerator, a dawt lehah Zu zuar an ni Dr R.lalthangliana MNF party Vice President, MLA ni bawk in a ti. He thu hi Dr.R.Lalthangliana chuan April ni 1 Mizo Hnam Runa Party inkhawm neih ah a sawi a, Dr. Thangtea chuan “MNF sorkar kum 10 chhung khan Sorkar hnathawk te’n thla 3/4 chhung hlawh lak theih loh an nei ngai lo a. Chief Minister Pu Lal Thanhawla’n Finance & Planning Deptt. Sum bawm a enkawl a, kum kalta khan Cheng vaibelchhe 70 chuang a ti ‘lapse’ a, nikum 2010 November thla atanga sorkar hnathawk te’n hlawh an la thei ta lo hi sum bawm enkawl thiam loh vang leh inthlahdah vang liau liau a ni” a ti.
“Kum 2011-2012 chhunga North East State 8 zinga Plan Fund punna rate-ah Mizoram chu a hniam filawr lak a. Mizoram Annual plan punna hi za zeal 11.76 chauh a ni a. State kan nih hnu, vawiin thlenga kan plan fun punna chhiat ber tum a la ni a ti bawk. NLUP sem mekah Dr Thangtea chuan Mobile Phone zuar an hlawk ber a, a dawtah Washing Machine leh Refrigerator, a dawt lehah Zu zuar an ni tiin NLUP chu miretheite khaichhuah nana an tih laiin, Minister makpa pakhat chuan YMA inthlan senso atan la chhuakin cheng 5000/- te a pe mai mai a. NLUP sum a lo luhna leh chhuahnaah kan buai lo ti a, CM-in a sawi thin hi ‘tlanchhe aw’ a ni a ti. Agriculture Minister-in Assembly Starred Question ah NLUP chu Prime Minister Special Package atanga hmuh a nih lo tih chiang taka a sawi hnu a, CM berin tlawmah laa a la tang tlat hi, dawt hmanga mipui bum tumna lian tak a tling a ni” a ti bawk.
Source: Buannel
