CHAIRMAN: Aw le, mizo mipuite rilrûah hian ‘zu khap hi a tha’ ti pâwl leh “zu khap hi a tha lo” ti pâwl kan awm a. He thupui khel tûra kan mi sâwm mi thiam tak takte thusawi ngaithlatûte hi kan vânnei hlê a ni. Kan thupui chu “ mizorama zu khap hi a tha a ni” tih a ni a, move tûrin mover I ka ko nghâl e!
MOVER 1: Pû Chairman, Christian ram, Lalpâ zawn chhuah ram, mizoram chhûnga zalên taka zupâr tlân duhtûte leh zû atanga chhiah lo lût khawvêl pawisa îttûte rilrû hian lung a va han ti chhe êm! A hming ringawt pawh hian mi râp a, Zu zalên hun han suangtuah ringawt pawh hian ka thau-ah a man ka ti! Hmâna kan thenawmpa thîn, Pathian aia zû thlang zâwk, zû avânga nung zo ta lo kan dawm hlum tuma mi khawngaihthlâk hmêl khâ ka la theihnghilh thei lo. Pathian hmangaih fâten a khawngaihna êngah lungchhe taka,
“ ka tih thinte ka tih a rem tawh lo,
ka tih ngai loh te tih a tûl zâwk sî.”
ti-a kan mittui a tlâk laiin “zû leh mizote hi kan in kungkaih tlat a , kan hnâwl a rem lo” titûte hian eng tharau ngê an chan bîk le! Zû chu kan pi leh pûte khân an lo in thîn ngei mai. An khawsak rêlna-ah leh an serh leh sâng engkimah zû a tel a, zu tel lovin khawsak an rêl ngai lo. Khâng thingbul lungbul kan biak laia kan rinrâwl avâng maiin keini chanchintha eng hnuai-a mitvâr tawh, rorêlna ni nghâk tûra inbuatsaih mêkte hian zû hi kan pawm thei lo va, Pathian kohhran bêltûte hian zû hi kan do tlat dâwn a ni. Mizote hi mi ep chîng tak kan lo a ni a. opposition tûr hrim hrima piang pawh kan ang hlê. Politics-ah pawh opposition laia bengchheng tak hi sorkarna chan hnû-a bengchheng zawm peih tawh lote an ni deuh zêl. Kan ram leh hnam leh Pathian hminga zû kan do lai-a, zû zalên duha lo iak lo iak thînte hi zu in châk pawh an ni bîk lâw, Zoram dinhmun that zâwkna tûra thlîr pawh an ni lâw, Pa fing nih khêla thâwm chhuah ve mai mai an ni. An nupui fanaute in atân zû hi an phal chuang lo.
Read more »
MOVER 1: Pû Chairman, Christian ram, Lalpâ zawn chhuah ram, mizoram chhûnga zalên taka zupâr tlân duhtûte leh zû atanga chhiah lo lût khawvêl pawisa îttûte rilrû hian lung a va han ti chhe êm! A hming ringawt pawh hian mi râp a, Zu zalên hun han suangtuah ringawt pawh hian ka thau-ah a man ka ti! Hmâna kan thenawmpa thîn, Pathian aia zû thlang zâwk, zû avânga nung zo ta lo kan dawm hlum tuma mi khawngaihthlâk hmêl khâ ka la theihnghilh thei lo. Pathian hmangaih fâten a khawngaihna êngah lungchhe taka,
“ ka tih thinte ka tih a rem tawh lo,
ka tih ngai loh te tih a tûl zâwk sî.”
ti-a kan mittui a tlâk laiin “zû leh mizote hi kan in kungkaih tlat a , kan hnâwl a rem lo” titûte hian eng tharau ngê an chan bîk le! Zû chu kan pi leh pûte khân an lo in thîn ngei mai. An khawsak rêlna-ah leh an serh leh sâng engkimah zû a tel a, zu tel lovin khawsak an rêl ngai lo. Khâng thingbul lungbul kan biak laia kan rinrâwl avâng maiin keini chanchintha eng hnuai-a mitvâr tawh, rorêlna ni nghâk tûra inbuatsaih mêkte hian zû hi kan pawm thei lo va, Pathian kohhran bêltûte hian zû hi kan do tlat dâwn a ni. Mizote hi mi ep chîng tak kan lo a ni a. opposition tûr hrim hrima piang pawh kan ang hlê. Politics-ah pawh opposition laia bengchheng tak hi sorkarna chan hnû-a bengchheng zawm peih tawh lote an ni deuh zêl. Kan ram leh hnam leh Pathian hminga zû kan do lai-a, zû zalên duha lo iak lo iak thînte hi zu in châk pawh an ni bîk lâw, Zoram dinhmun that zâwkna tûra thlîr pawh an ni lâw, Pa fing nih khêla thâwm chhuah ve mai mai an ni. An nupui fanaute in atân zû hi an phal chuang lo.
