Kum 2010-11 Plan pawisa cheng vaibelchhe 1,500 tiata Mizoram kum 2011-12 budget tur ruahman cheng vbc.4062.83 chuang ruahman leh kum 2011 April, May, June leh July thla chhung atana budget vote on account ruahman cheng vbc.1,354.27 chuang chu nimin khan Finance department enkawltu Chief Minister Pu Lal Thanhawla chuan Mizoram Assembly-ah a pharh. Department zingah thla 4 chhunga pawisa ruahman tamna ber chu School Education a ni a, cheng vbc.137.08 chuang a ni a, a dawttu chu Finance a ni a, cheng vbc. 122.88 a ni. Home pathumna a ni a, cheng vbc. 113.49 chuang a ni. Kumkhat 20011-12 budget pumpuiah pawisa ruahman tamna ber department pawh School Education a ni a, cheng vbc. 411.26 chuang a ni a, a dawttu chu Finance niin cheng vbc.368.65 chuang a ni. Pathumna Home a ni a, cheng vbc. 340.47 chuang a ni.
