Aizawl leh North Vanlaiphai inkara tlan Maxi Cab (sumo) chu zanin dar 6 vel khan Chawngtui leh North Vanlaiphai inkar, Chawngtui atanga km 2 vela hla-ah a chesual a, mi chuang pariat zinga pahnih an thi a, paruk chuan hliam na tak an tuar.
Thudawn danin he Sumo MZ-06 2352, ‘Run Tlang’ hi Sawmliana, Chawngtui khaw ta a ni a, a chetsual chhan chiah hi hriat a la ni lo.
He sumo hian North Vanlaiphai-ah passenger a dah hnu-in, Chawngtui lam hi a pan leh a, hetah hian a chesual ta a ni. Sumo chetsualna-ah hian motor khalhtu Lalremruata (21) s/o Lalrodinga, North Vanlaiphai Dawmdawi In Veng leh Lalkulhpuia (5), Chawngtui-te chu a hmun-ah an thi a. Mitthi leh hliam tuar mi paruk te hi Chawngtui Sub-Centre-ah lak an nih hnu-ah, North Vanlaiphai Damdawi In panpui an ni a, hliam zing-ah hian ngaihtuahawm zual deuh pawh an awm nia thu dawn a ni bawk.
Source: Thezozamtimes
