Palak bialtu MLA, PP Thawla chuan nimina Assembly Session-ah Calling Attention Motion pu lûtin, March 25, Inrinni tlaia a bial chhung, New Serkawr leh New Latawh inkara 11Kv line-in bus a man avanga mi pakua an thih chungchang a sawi chhuak a; mitthi chhungte zangnadawmna pe turin sorkar a phût.
PP Thawla chuan, March 25 tlaia electric hrui hniam avanga nunna chán mi pakua chhungte chu P&E department-a an thawh theih âwm a awm chuan sorkarin thun se a duh thu a sawi a, "Current-in a man vanga thi chhungte hi bialtu MLA ka nihna ang leh, a thi chhungte aiawhin zangnadawmna pe ngei turin sorkar hi ka ngen a ni," a ti.
A bial chhungah tun hmain electric current vangin mi pathumin nunna an la chân tawh thu sawiin, PP Thawla chuan, "Kan thingtlang rama electric hrui zam hi contractor tih nge departmental, a ban a khátin, an pawt mar lo thin hle a ni," a ti a; P&E department lama thawktute pawh an inthlahdaha a hriat thu a sawi.
PP Thawla chuan, a bial chhung chu Mizoram kilkhâwra awm a nih avangin ngaihsak a hlawh tâwk loh thu a sawi a, "Kum sarih chhung Assembly House-a ka thut ve chhungin kan mamawhte theihtawpin ka au chhuahpui ve thin a, ngaihsak kan hlawh ngai chuang lo. Ngaihsak tlak kan ni lo em ni aw, tiin ka ngaihtuah hial thin a ni," a ti.
Electric current-in bus a man avanga mi pakua lai an thi chu pawi a tih thu, Chief Minister Lal Thanhawla chuan sawiin, mitthi chhungte a tawrhpui thu a sawi a, "P&E department-ah hian zangnadawmna inpek dan a awm lo a, inkhawngaihna, compassionate ground-a hna inpek pawh thil har tak a ni," a ti.
PP Thawla chuan, March 25 tlaia electric hrui hniam avanga nunna chán mi pakua chhungte chu P&E department-a an thawh theih âwm a awm chuan sorkarin thun se a duh thu a sawi a, "Current-in a man vanga thi chhungte hi bialtu MLA ka nihna ang leh, a thi chhungte aiawhin zangnadawmna pe ngei turin sorkar hi ka ngen a ni," a ti.
A bial chhungah tun hmain electric current vangin mi pathumin nunna an la chân tawh thu sawiin, PP Thawla chuan, "Kan thingtlang rama electric hrui zam hi contractor tih nge departmental, a ban a khátin, an pawt mar lo thin hle a ni," a ti a; P&E department lama thawktute pawh an inthlahdaha a hriat thu a sawi.
PP Thawla chuan, a bial chhung chu Mizoram kilkhâwra awm a nih avangin ngaihsak a hlawh tâwk loh thu a sawi a, "Kum sarih chhung Assembly House-a ka thut ve chhungin kan mamawhte theihtawpin ka au chhuahpui ve thin a, ngaihsak kan hlawh ngai chuang lo. Ngaihsak tlak kan ni lo em ni aw, tiin ka ngaihtuah hial thin a ni," a ti.
Electric current-in bus a man avanga mi pakua lai an thi chu pawi a tih thu, Chief Minister Lal Thanhawla chuan sawiin, mitthi chhungte a tawrhpui thu a sawi a, "P&E department-ah hian zangnadawmna inpek dan a awm lo a, inkhawngaihna, compassionate ground-a hna inpek pawh thil har tak a ni," a ti.
