Mizo Zirlai Pawl chuan Central Sorkarin Mizorama Protected Area Permit (PAP) a hlih duhloh lantirna (Demonstration) march ni 24 hian an Pisa chungzawlah a hmang dawn tih an sawi a, Political Party hrang hrang hruaitute leh tlawmngai pawl hruaitute’n thu an sawi dawn tih an sawi bawk. Hemi chung chang a MZP thuchhuah chuan Nikum 2010 Dec ni 30 khan Central Sorkar chuan Manipur State a mithenkhatten an State huam chhunga PAP hlip tura Union Home Minister hnena an ngenna chhan nan a dil velo Mizoram chu kumkhat chhung a tan hlih alo ni ve ta a, hei hi State mipui leh sawrkar pawh zahlohna lian takah an ngai tih an sawi.
PAP hlih a ni hi Mizoaram chhunga India mi hnam dang te duh duha an luh lohna tur dan ding lai ILP hlih tumna hmahruai ah an ngai tih sawiin India ram pawn mite zalen taka an lo luh theih laia India ram chhung mi te khuah khirhna dan hi Central Sawrkar hian hun reilote ah rawn hlih ve a tumna hmanruah ah an ngai tih an sawi. Thuchhuah chuan ILP nghawng theitur thutlukna Mizo mipuite rawn hauh lova Central Sorkar rorelna hi an dodal tlat tih tarlangin PAP kum khat atana rawn hlih hi Mizote kawngka rawn kikna ah an ngai a, kawng zau zawk hawn a nih lohnan hawn sak chhin hi Mizo hnam tan him loah an ngai tih an sawi a ni.
