Overdraft-a kan luh loh nan sum pekchhuah theih zat hi a ngai reng thei lo : Lalthanhawla
Finance Minister Lal Thanhawla chuan March ni 23, 2011 thleng khan Mizoram sorkar chuan Reserve Bank of India (RBI)-ah cheng vaibelchhe 82.61 a nei mek tih a sawi a, tun financial year chhunga loan a hmuh tur cheng vaibelchhe 200 an la nei tih House a hrilh bawk.
Budget session neih mekah eptu member Dr.R.Lalthangliana zawhna chhangin finance changtu, chief minister ni bawk Lal Thanhawla chuan, March ni 23, 2011 atang khan Mizoram Treasury hrang hranga nikhata sum pekchhuah theih zat (ceiling) chu tihpun a nih thu a sawi a. Hemi ang hian Aizawl South Treasury-in cheng nuai 1000, Aizawl North Treasury-in cheng nuai 400, Lunglei Treasury-in nuai 120 leh a bak district dang Treasury zawng zawngin cheng nuai 80, nikhatah an pekchhah theih thu House a hrilh bawk a ni.
Dr.R.Lalthangliana chuan Treasury te sum pekchhuah theih zat insan hleih thin chu tihtawp a, kumtluana a in ang tlang deuha kal theih a nih leh nih loh a zawt a. Hemi chungchangah hian chief minister chuan, ‘Kan finance dinhmun hi a that loh avangin, ways and means-a kan awm loh nan theihtawp kan chhuah a. Sum leh pai duhthusam kan neih loh avangin overdraft-a kan luh lohna turin kan ngun takin kan in enkawl reng a, Treasury officer te pawh weekly report pe \hin tura hriattir an ni,’ a ti bawk.
