Ni 23/3/11 Lok Sabha inkhawmah, kum 2008-a sorkar buk a nih laia MP te lei nia sawi chungchangah eptuten na takin PM an bei. Eptu hruaitu, Sushma Swaraj-i chuan PM chu WikiLeaks website atanga puanzar, sawrkar thil tih dik loh-ah mawhphurtu ber a ni tih leh, MP-te lei an nih avanga roreltu, sorkar hotu pa ber a ni tih sawiin, mi dang mawhpuh kual lo tura an duh thu a sawi a, kum 2008 a Indo-US Nuclear deal avanga UPA sawrkar bukna-ah khan MP-ten sawrkar tan zawnga vote an thlak theih nan thamna sum pek an ni ngei nia sawiin, he thil chhui zui tura ruat Parliamentary Committee-in thil dik lo engmah an hmu lo nia sawitu, PM chuan thu dik lo a sawi niin a sawi bawk. CPI hruaitu, Gurudas Dasgupta pawhin PM chu thil dik lo tih nei anga lan chhuah hlau-ah puhin, Parliamentary Committee member thenkhat pawh report siamtirah PM chu a puh bawk a, mipuiin an thlan lal avang ringawtin an thil tihsual a bo chuang lo niin a sawi a ni. Puan tawh angin, kum 2008-a Indo-US Nuclear Deal ziah a nih theihna tura UPA sawrkar buk a nih lai khan, Congress hruaitute chuan MP thenkhat thamna atan cheng vbc 60 vel an dah nia sawi a ni a, BJP MP 3 pawhin thamna sum hi an dawng nia sawiin, an sum dawn nia an sawi, Rs Vbc 3 vel chu Lok Sabha inkhawmah an lek chhuak a, thamna sum pek chungchang chhui chiang tura ruat, Congress MP, KP Singh Deo-a kaihhruai, Parliamentary Committee-in thil dik lo engmah an hmuchhuak lo niin sawi mah se, eptute chuan sawrkar beih nan an la hmang zui zel a ni. Kum 2008 November ni 26-a Mumbai khawpui beitute zinga nung dama man awm chhun, thi tura a chungthu rel tawh, Ajmal Kasab-a’n Supreme Court-ah Bombay High Court thu tlukna a khing let. Puan tawh thin angin, Pakistan mi, Ajmal Kasab hi kumin February ni 21 khan Bombay High Court hian a thubuai 5-ah thiam loh a chantir a, thi tur tih ni mah se, danin a phal angin a chungchanga Court thutlukna khin let theih hun hi pek a ni a, tukin khan ziakin Court thutlukna hi a khing let ta a ni. Hei hi Supreme Court hian engtikahnge a ngaihtuah dawn tih hriat a la ni lo.
————
Sawrkar laipui hnuaia hna hrang hrang laknaa chanvo hauhsak ngiattu, Jat mite an nawrh leh tak avangin, Haryana state-ah rel tlan dan a buai nasa hle.
Read more »
————
Sawrkar laipui hnuaia hna hrang hrang laknaa chanvo hauhsak ngiattu, Jat mite an nawrh leh tak avangin, Haryana state-ah rel tlan dan a buai nasa hle.
