Pu R.Biakliana Boxing coach, Mizoram Boxing Assn Secretary General ni bawk chu April ni 1 zing dar 4:50 khan Presbyterian Hospital Durtlang ah a thi a, hemi ni vek hian vui a ni.
 |
| Courtesy: Buannel.com |
Boxing coach R.Biakliana hi R.Thanzauva (L) leh Khumtiri (L) te fa palina niin pianpui unau 8 a nei a ni. Kum 1972 khan St.Pauls high School atangin matric a passed a, enumerator in Election dept ah kum khta vel hna a thawh hnu ah PWD ah LDC in kum 1975 khan a lut a, Boxing infiamna hi a tuipui hle a, he infiamna hi luhchilhin kum 1978 khan Mizoram champion a rawn ni chho ta a, NIS short course Boxing Certificate kum 1981 khan a zova, kum 1982 ah Coach puitling Patiala ah a zo leh a, a hnu kum 1983 atangin Boxing Coach in Sports dept ah a lut ta a, Mizoram Boxer lar tak tak Zoramthanga (L), Jenny R.Lalremliani leh Rosema colney te bak ah Boxer thahnem tak State pawn lama hna hmu tate a chherchhuak a, India ram aiawh a Coach hna thawkin rampawn ah tum hnih a fehchhuak a, kum 1990 khan India team hruaiin Cuba ah a kal a, kum 2001 a USA a 1st International Women world Championship neih a nih khan India team a hruai leh a 34th National Games Jharkhana neih zawh tak ah pawh khan Mizo infiammite Silver leh bronze medal a lakpui a ni.
April ni 1 a thih ni thleng hian MABA/MIZBA hruaitu hlun a ni a, MIZBA Secretary general hna a chelh mek a ni. Kum 2005 chho vela tang khan zunthlum leh thisen sang a nei tan a, a natna hian a tibuai tam lo hle a, March ni 26 zan khan a mu chu a thawk dan dikloh avangin kaihthawh an tum a an kaitho zo talova Damdawiin lam panpui nghal a ni a, CT Scan atangin thluaka thisen zam chat a ni tih hmuhchhuah a ni a, Civil Hospital ah ICU a ruah loh avangin Presbyterian Hospital Durtlang panpui a ni a, April ni 1 zing lam dar 4:50 khan a boral a, a chenna Khatla peter street ah vui ani a, Pastor RS Rokima’n a vui a ni.
