Mizoram chhunga mipui tam zawkin Rural Bank leh State Bank of India bak kan hmel hriat loh hun kha a la rei lo. Tun kum 10 emaw vel liam ta atang khan Mizoramah Nationalised Bank/ Commercial Bank engemaw zatin branch an rawn hawng thar a, bank chi hrang hrang kan hmelhriat viau ta hlawm a. Hei hi changkanna chikhat chu a ni ve mai awm e.
Nationalised/ Commercial Bank tam takin Mizorama Branch an rawn hawng ta sup sup hi thil lawmawm tak a ni. Tun hma deuh te kha chuan bank dawr tur a tam loh avangin hmun khatah kan in ekbeng vak a, a thawktute an indaih seng bik lo a, dawr pawh an nuam lo. Bank lam thil ngat phei chu inhrilhfiah ngial pawha man loh theih tak a nih ve bawk avangin patling leh patling hmaisena inhmuh mai pawh awl tak a ni. Hetiang a nih thin vangte pawh a ni ta ve ang, bank phuah chawp deuh, sumdahna him lo Mizoramah a tam em em thin.
Tunah erawh mipuiten duhthlan tur kan ngah ve tawh a, pawisa dah tur tan bik chuan dawr hreawm deuh chu tlanchhiatsan mai theih an ni tawh. Mahni pawisa ngei dah tur pawha rei fe intlar ngai thin te, thil engemaw hriat fuh loh palha inhnawl sak leh in tihtauh khum mai mai te kha a awm ngai ta meuh lo. Tunah chuan Mizoten duhthlanna zau tak kan nei thei ta, pawisa dahna him tak a awm fer fur tawh a, heti chunga a him lo bawk kan bawh leh thin a nih chuan kan mawh a ni thui khawp ang.
Chutih rualin kan pawisa dahna bakah hian Mizote hian Bank rawn inhawng thar tam tak hi kan chhawr tangkai meuh em tih ngaihtuah ngai tak a ni. Bank interest rate hi RBI-in a phal chin baka pek theih a nih loh avang hian saving interest hi hlawkpui tak tak tham a ni mang lova. Chuvangin, Bank te hian Mizoram chhungah ngei investment a tam thei ang ber an tih ve a ngai. Chuti ang ni lova saving ringawt rilru pua Mizoram an rawn pan a nih chuan Mizoram pawisa nasa takin a luang ral tihna a ni.
Mizoram chhunga Bank hrang hrang te hian loan pek chhuah hi an harsat hle niin a lang. Hmelhriat tha nei lo tan phei chuan loan chungchang sawi ngam pawh a ni mang lo. Chuvangin, sorkar enkawl Bank te hi mipui nawlpui hian kan chhawr tur angin kan chhawr lo a, mipui mamawh pawh a phuhru zo lo hle tih hai rual a ni lo. Hemi a chianna em em chu Mizoram chhungah hian mimal sum puktir thin (Moneylender) tam tak an awm a. Bazarpui-ah ngat phei chuan sum inpuk kualtirho hi an inpel suau suau a ni ber. Hengho hian a tlangpuiin thla khatah a pung 8% te 10% te an la a, a chang phei chuan 15% hial an la thin.
Tun hnaiah NEREFS Ltd. ten Mizoramah bu an rawn khuar a, rei lo te chhungin Mizoram an rawn tuam chhuak deuh der mai. Anni hian Bank aia pung sâng fe in loan an pe chhuak a, mahse mimal leh tual chher Bank(?) te aia hniama an pek miau avangin sumdawng tam takin an bawh a, an tangkaipui viauin a lang tlat. Tun hnai-ah kan CM zahawm takin vawi tam tak anni tih chhan ni ngeia langin thu a sawi fo a, mipui phurrit thlentu leh Mizo mipuite rawktu angin a chhuah chhe hle. Mizo mipuite kan him nana thahnem ngaia midang sawi chak lem loh a sawi thin hi a fak awm khawp mai.
Nationalised/ Commercial Bank tam takin Mizorama Branch an rawn hawng ta sup sup hi thil lawmawm tak a ni. Tun hma deuh te kha chuan bank dawr tur a tam loh avangin hmun khatah kan in ekbeng vak a, a thawktute an indaih seng bik lo a, dawr pawh an nuam lo. Bank lam thil ngat phei chu inhrilhfiah ngial pawha man loh theih tak a nih ve bawk avangin patling leh patling hmaisena inhmuh mai pawh awl tak a ni. Hetiang a nih thin vangte pawh a ni ta ve ang, bank phuah chawp deuh, sumdahna him lo Mizoramah a tam em em thin.
Tunah erawh mipuiten duhthlan tur kan ngah ve tawh a, pawisa dah tur tan bik chuan dawr hreawm deuh chu tlanchhiatsan mai theih an ni tawh. Mahni pawisa ngei dah tur pawha rei fe intlar ngai thin te, thil engemaw hriat fuh loh palha inhnawl sak leh in tihtauh khum mai mai te kha a awm ngai ta meuh lo. Tunah chuan Mizoten duhthlanna zau tak kan nei thei ta, pawisa dahna him tak a awm fer fur tawh a, heti chunga a him lo bawk kan bawh leh thin a nih chuan kan mawh a ni thui khawp ang.
Chutih rualin kan pawisa dahna bakah hian Mizote hian Bank rawn inhawng thar tam tak hi kan chhawr tangkai meuh em tih ngaihtuah ngai tak a ni. Bank interest rate hi RBI-in a phal chin baka pek theih a nih loh avang hian saving interest hi hlawkpui tak tak tham a ni mang lova. Chuvangin, Bank te hian Mizoram chhungah ngei investment a tam thei ang ber an tih ve a ngai. Chuti ang ni lova saving ringawt rilru pua Mizoram an rawn pan a nih chuan Mizoram pawisa nasa takin a luang ral tihna a ni.
Mizoram chhunga Bank hrang hrang te hian loan pek chhuah hi an harsat hle niin a lang. Hmelhriat tha nei lo tan phei chuan loan chungchang sawi ngam pawh a ni mang lo. Chuvangin, sorkar enkawl Bank te hi mipui nawlpui hian kan chhawr tur angin kan chhawr lo a, mipui mamawh pawh a phuhru zo lo hle tih hai rual a ni lo. Hemi a chianna em em chu Mizoram chhungah hian mimal sum puktir thin (Moneylender) tam tak an awm a. Bazarpui-ah ngat phei chuan sum inpuk kualtirho hi an inpel suau suau a ni ber. Hengho hian a tlangpuiin thla khatah a pung 8% te 10% te an la a, a chang phei chuan 15% hial an la thin.
Tun hnaiah NEREFS Ltd. ten Mizoramah bu an rawn khuar a, rei lo te chhungin Mizoram an rawn tuam chhuak deuh der mai. Anni hian Bank aia pung sâng fe in loan an pe chhuak a, mahse mimal leh tual chher Bank(?) te aia hniama an pek miau avangin sumdawng tam takin an bawh a, an tangkaipui viauin a lang tlat. Tun hnai-ah kan CM zahawm takin vawi tam tak anni tih chhan ni ngeia langin thu a sawi fo a, mipui phurrit thlentu leh Mizo mipuite rawktu angin a chhuah chhe hle. Mizo mipuite kan him nana thahnem ngaia midang sawi chak lem loh a sawi thin hi a fak awm khawp mai.
