March ni 26 Inrinni khan Pu Nihar Kanti Chakma Minister, Pu.S.Laldingliana Parliamentary Secretary, Pu. Kali Kumar Tongchongya CEM, CADC leh Medical Team Lunglei te chuan march ni 20 hmalam a mi panga thihdan in ang a thi te awmna hmun Thanzamasora chu an tlawh. Thanzamasora hi motor in a tlawhpawh thei lova, Lalnutui (Chawngte kawng) atanga peng in heta tang hian km 8 a hla a awm a ni a, Tun hnai a mi 5 thihna hi an natna a in ang vek a an khua a sik a an lu a na a thi in an luak deuh vek a, an thih hian an taksa ah dum thluah thluah a awm vek ni in an sawi. He thihna avang hian an khaw mipuite chuan dawi hnathawh a nih an ring a, khua ah pawh awm tha ngam lovin ramhnuai ah te an riak bo thin a ni.
Thanzamasora ah hian Pu.M.Lalbanglova VCP Lungrang kaihhruaina in inkhawm tawi neih a ni a, Pu. Nihar Kanti Chakma chuan kan pi leh pu te chuan dawi hi an ring thin a, mahse tunlai khawvel changkang (Computer age) ah chuan hetiang rinna hi rintlak a ni tawh lova, kan dam loh in bawlpu te rawn lovin mithiam zawk doctor te kan rawn tawh zawk tur a ni a ni a ti a. He thihna hi dawi hnathawh a nih a rinloh thu sawiin thlamuang taka awm tur leh khua chhuahsan a ramhnuai a riak te pawh mahni in a haw theuh tur in a sawm a, Lungrual tak leh inngeih tak a awm tura chah in Sawrkar in a tul ang ang in tanpui a in peih reng thu a sawi a, khua a motor a luh theih nan PMGSY kaltlang in kawngpui survey neih a ni tawh a, motor luh theih nan hian hmalak chhoh zel a nih thu a sawi bawk.Pu Nihar-a chuan mitthi chhungte ral nan cheng 2000 theuh a pek bak ah buhfai 5qntl sylpoulin bundel -1, dal kg 25 dekchi 1 leh ketli 1 a pe bawk a ni.
