Syria rama kum 11 chhung rorel tawh President Bashar al-Assad chu eptute nawrna vangin a hna atangin a bang. Puan tawh thin angin, tun hnaia Egypt leh Tunisia sawrkar paihthlak a nih hnu-ah, Syria rama eptute hian an ram sawrkar thiah ve ngiatin chawlhkar 2 chhung zet nawrh an lo huaihawt tawh a, sawrkar sipai leh Police-ten an nawrh tihtawp tir tuma an beihnaah mi 60 chuang lai an thih hnuah, boruak a sosan zel avangin President Bashar al-Assad hi a bang ta a ni. President ban thu hi sawrkar enkawl Sana News Agency chuan a puang a, President ban hnu hian an ram PM Naji al-Otari chu sawrkar thar siam hmaa sawrkarna chelh zui tura tih a ni. Eptute phut angin President hi bang tawh mahse, President kuta thuneihna sang tak awm thin chu, ram rorel khawl Parliament kuta hlan then an phut tel avangin President ban vang ringawt hian an lung a la awi chuang lo ni a hriat a ni.
